Realak bere eSports saila bultzatuko du, bi fitxaketa bikainekin. Zidane 10, egungo eLaLiga Santanderreko txapeldunak talde txuri urdina ordezkatuko du denboraldi honetan, zeinek LaLigak eta EA Sportsek antolatutako lehiaketa honetan jauzi kualitatibo bat ematea espero du.
Kilian Pita kanariarrak, Zidane 10 (@z10kilian) izenez ezaguna dena eSportsen munduan, Ander Hipolito (@anderhipo15) donostiarra izango du lagun. Azken honek hirugarren urtez jarraian errepikatuko du kamiseta txuri-urdina defendatzen. Ilusioa pizten duen tandema.
Jairo Martos
Hala ere, Realak eSportsen eman nahi duen aurrerapausoa ez da eLaLigako lehiaketara mugatzen. Zidane 10ekin batera, Jairo Martos klubean sartu da, saileko Manager Nagusi gisa. Bere helburua globalagoa izango da, atalaren egitura sendotzeko eta sektore horrekiko zaletasuna publiko txuri-urdinaren artean zabaltzeko.
Fitxaketa horiek berretsi besterik ez dute egiten klubak eSportsetan gehiago hazteko duen interesa. Ez bakarrik bideojokoen aniztasunari eta garrantzizko lehiaketetan parte hartzeari dagokienez. Baita ikuspegi gazteagotik ere, akademiak eta formazioak aktibatuz,… eta gure gamer gunea den LG Gaming, ustiatuz.
Hilaren 9an, aurkezpena LG Gaming-en
Villarreal CFren aurkako partidarekin batera, hilak 9an, igandea, sekzioaren egitura berriaren aurkezpen ofiziala egingo da. LG Gaming-en ospatuko da, nola ez, eta ezagutu ez ezik, gure Pro Playersen aurka probatzeko eta FIFAren edizio berriko lehen trikimailuak ezagutzeko aukera izango duzu. Datorren astean ekitaldi honi buruzko xehetasun gehiago emango dira.
eLiga otsailean hasiko da
LaLigako klub gehienak bilduko dituen eLaLiga Santanderren seigarren edizioa 2023ko otsaileko lehen astean hasiko da. PS5 modalitatean jokatuko da eta, beti bezala, FIFA 23ko 1vs1 modalitatean, asteartean atera zena salmenta aurreratuan. Liga bi multzotan banatuko da, eta jardunaldi bakoitzak joaneko eta itzuliko partida bana izango du.
Aurten ere, apirilean eLaLiga Cup txapelketa polita izango dugu, non multzo bakoitzeko lehenengo 4 sailkatuek jokatuko duten 2vs2 formatuan. Maiatzean denboraldi erregularreko eLaLigako finalak izango ditugu, non talde bakoitzeko 8 onenak sailkatuko dira.
Zidane10
Las Palmas de Gran Canariasen jaio zen 1996an, eta Kilian ‘Zidane 10’ Pitak nazioarteko ibilbide garrantzitsuenetako bat du oso ezaguna den futboleko simulatzaile honetan. Bere palmares luzearen artean, Alavesekin iaz dobletea irabazteaz gain -liga eta Kopa-, eNations Cup txapelketan eta 2019ko FIFA Munduko Txapelketako azken fasean parte hartu zuen.
Jairo Martos
Bestalde, gure saileko Manager berriak hamarkada bat darama sektore honetako profesional gisa. Jokalari gisa hasi zen, eta, ondoren, hainbat kudeaketa-kargu izan ditu kirol elektronikoetako zenbait taldetan. Bere azken etapa Grupo Baskonia-Alaves taldean izan zen.