Gure harrobiaren kronikak

Larunbat arratsaldean Francisco Rubio Garces Kirol Hirian jokatutako neurketa. Lehenengo hamar minutuetan ondo egon ziren txuri-urdinak, baloirekin nagusi, baina etxekoen gola jaso zuten 12. minutuan. Numanciak min handia egin zuen baloi zuzenekin eta arazoak izan zituzten gipuzkoarrek bigarren jokaldietan. Atsedenaldira iritsi baino lehen bigarrena sartu zuten etxekoek. Bigarren zatian hobetu egin zuten Zubietakoek, intentsitate gehiagorekin azaldu zen taldea eta baloia azkarrago errekuperatuz arrisku gehiago sortu zuen. Gol aukera garbi batzuk eduki arren, markagailua ez zen mugitu. Hurrengo jardunaldian Realak Getxo hartuko du.Realaren hamaikakoa: Fernandez de Casadevante; Ujia, Zubimendi, De la Arada, Calvillo; Elizondo, Mentxaka; Gabilondo, Kerejeta, Lucbert; Escarpit.Jokatu zuten ere Aldasoro, Estivariz, Eizagirre, Veiga.Larunbat arratsaldean Zubietako z4ean jokatutako neurketa. Ideia argiekin hasi zuen partida etxekoek baloiaren jabetza izan eta erritmoa altua ematea. Easok aukerak izan arren, Indartsuk lortu zuen lehen gola baloi errekuperazio baten ondoren. Easok azkar erreakzionatu zuen eta Martinez-Losak banakoa ipini zuen penalti batekin atsedenaldira iritsi baino lehen. Indartsuk atzera pauso bat eman zuen bigarren zatian kontraerasora irteteko ideiarekin. Zaildu egin zitzaion neurketa Easori Reciok bigarren horia ikusi eta gutxira bat eta bikoa jasota. Zubietakoek ez zioten aurpegia galdu partidari eta azken minutuan iritsi zen saria ate barrura joan zen Olasagastiren erdiraketa batean. Hurrengo jardunaldian Easok Athletic Cluberi egingo dio bisita.Realaren hamaikakoa: Gelbentzu; Arrieta, Obeso, Arruabarrena, Zoilo; Hernandez, Olasagasti; Sanchez, Garrido, Regil; Martinez-Losa.Jokatu zuten ere Recio, Koprivnik, Lopez, Agirre.Larunbat goizean Boluen jokatutako neurketa. Lehen zati ona burutu zuten txuri-urdinak. Zelaian ondo kokatuak azken metroetan asmatzea falta izan zitzaien markagailuan aurretik jartzeko. Getxo erasora eta sendo aurkeztu zen partidan, gipuzkoarren akats batzuk lagun areara gerturatu ziren, baina aukerarik sortu gabe. Atsedenaldira hutsean.Bigarren zatian, Reala baloiaren jabetza handitu eta getxotarren atera maiztasunez hurbildu zen gola aurkitu arte. Barrenetxeak lortu zuen gola Belokiren akzio polit eta on baten ostean. Getxok lerroak aurreratzen ahalegindu zen, baina Reala sendo eta indartsu mantendu zen bukaera arte. Hurrengo jardunaldian Realak Athletic Club hartuko du.Realaren hamaikakoa: Marrero; Tijero, Rodriguez, Zubillaga, Santos; Lopez de la Calle, U. Gonzalez; Bocard, Magunazelaia, Gurrutxaga; Ruiz.Jokatu zuten ere Teijeira, Pacheco, Barrenetxea, Beloki.Larunbat goizean Zubietako z4ean jokatutako neurketa. Partida parekatua izan zen lehen minutuetan, baina txuri urdinak gailentzen joan ziren baloiaren kontrola lortuaz. Aretxabaleta izan zen markagailuan aurre hartu zuen taldea 0-1koa lortuaz. Realak ez zuen etsi eta handik minutu gutxira partidua berdintzea lortu zuen falta jaurtiketa bati esker. Lehen zatiko azken minutuetan, gehiago izan ziren etxekoak eta beste bi gol lortu zituen atsedenaldira 3-1ekoarekin iritsiz. Bigarren zatia parekatua izan zen, baina Aretxabaletak ez zuen aukera handirik izan markagailuan gerturatzeko eta azken minutuetan Realak aldea handitu zuen beste bi golekin partiduaren amaierara 5-1ekoarekin iritsiz Hurrengo jardunaldian Realak Eibarri egingo dio bisita.Realaren hamaikaoa:Ballesta; Elkorobarrutia, Arotzarena, Zeberio, Azurmendi; Turrientes, Telletxea; Dadie, Agote, Balda; Karrikaburu.Jokatu zuten ere Ortiz de Guinea, Ruiz, Almandoz, Marcos.Larunbat goizean Garmendipen jokatutako neurketa. Partida borobila txuri-urdinek jokatutakoa. Ikasberrik aurrea hartu zuen markagailuan izan zuten aukera bakarrean urrutiko jaurtiketa bateri esker, baina Zubietakoek, joko konbinatibo on bateri esker nagusitu ziren. Aukera ugari sortu arren, bigarren zatiaren erdialderaino ez zen lehen gol txuri-urdina iritsi. Marin izan zen golegilea. Azken minutuetan, Gonzalez de Herediak aurrea eman zion bere taldeari eta Amigot eta Lizasok itxi zuten markagailua. Hurrengo jardunaldian Realak Lagun Onak hartuko du.Realaren hamaikakoa:Arrese; Barandiaran, Prieto, García, Pascual; Marín, Lizaso; Garzón, Amigot, Fernández; Taillefer.Jokatu zuten ere Pociello, González de Heredia, Bengoa, Gastesi, Manterola.Larunbat goizean Zubietako z4ean jokatutako neurketa. Presarekin jokatu zuten txikien partida hasieran eta nagusi izan arren, erasoan azkarregi aurrera joan nahi izan zuten. Defentsiboki txukun egon ziren Zubietakoak aukerarik eskaini gabe. Atsedenaldira bi eta huts joan ziren aurretik etxekoak Orobengoaren bi golei esker. Partida bide beretik jarraitu zuen bigarren zatian. Hasieran prezipitatzen jarraitu zuen Realak, baina azken 15 minutuetan pausa gehiagoz jokatzea lortu zuten. Beitia, Astigarraga eta Lete izan ziren golegileak. Hurrengo jardunaldian Realak Euskaldunari egingo dio bisita. Realaren hamaikakoa:Olasagasti; Álvarez, Letamendia, Arratibel, Jiménez; Beitia, Arozena; Lete, Gibelalde, Orobengoa; Gaztelumendi.Jokatu zuten ere Obregozo (ps), Iturrioz, Lete, De Moraes, Astigarraga, Gourmat.