Gure harrobiaren kronikak

Partida larunbat arratsaldean jokatu zen Zubietako Jose Luis Orbegozo zelaian. Realeko Jubenilen Ohorezko Mailako taldeak modu bikainean debuta egin zuen larunbat arratsaldean Zubietan Logroñés UD taldearen aurka. Partidaren hasieran, txuri-urdinak nagusi izan ziren zelaian, baina ez zuten gol aukerarik sortu. Lehen ordu erdian, Reala aurretik jarri zen Muñozen erdiraketa baten ostean. Bigarren zatian, kanpoko taldea ez zen erasora atera eta atzean gelditu zen ordenaturik. Honela, Celorriok gipuzkoarren bigarren gola sartu zuen Calvillok eskubiko hegaletik burututako jokaldi bikain baten ondoren. Tantoa eta gero, Realak baloiaren jabetza izan zuen baina ez zuen arriskurik sortu. Datorren asteburuan, Jon Mikel Arrietak zuzendutako taldeak Antiguoko K.E. bisitatuko du, ligako bigarren jardunaldian. Realaren hamaikakoaMarcellán; Egiluz, Arrue, Petxarroman, Orbegozo; Zubeldia, Guevara; Calvillo, Olaizola, Muñoz, Arana. Celorrio, Rodríguez, Saenz eta Torre jokalariek ere jokatu zuten.Partidan larunbat arratsaldean jokatu zen Maionako zelaian.Easok ere liga garaipenarekin hasi zuen larunbatean Maionan. Txuri-urdinek neurketa menderatzen hasi zuten eta arriskuko aukerak sortzen. Baina, 15. minutuan, etxeko taldea aurretik jarri zen markagailuan. Atsedenaldia baino lehen, gipuzkoar taldeak berdinketa lortu zuen Zouridineren golarekin. Aldageletatik pasa ondoren, Reala nagusi izan zen zelaian eta, dinamika horretan, talde txuri-urdinak bi gol gehiago sartu zituen, Urcelayeta eta Veiga izan ziren goleatzaileak. Luzapenean, epaileak penalti bat adierazi zuen eta Antxon De la Arada jokalariari txartel gorria atera zion. Etxekoek aukera aprobetxatu eta bigarren gola sartu zuten partida amaitzear zegoenean. Garaipen garrantzitsua txuri-urdinentzat haien estreinaldian. Datorren asteburuan Leioa jasoko dute Zubietan. Realaren hamaikakoaAgirre; Diez, Hernández, De la Arada, Crotto; Cachenaut, Cárdenas; Zouridine, Urcelayeta, Aranzabe; Veiga. Arroyo, Aierbe, Aranbarri eta Mentxaka jokalariek ere jokatu zuten.