Ikasi Bizi

Amets Bat

Hamar urteko haur batentzat, Zubietan egotea eta berak miresten dituen jokalariekin hitz egin ahal izatea amets bat da; zer esanik ez Anoetako zelaia zapaltzea. Amets hori errealitate bihurtzen da Amets Bat kirol, heziketa eta gizarte programari esker.

Haurrak Zubietara joaten dira eta hango instalazioak bisitatzen dituzte; Realaren historiari eta balioei buruzko bideo bat jartzen diegu eta, ondoren, lehen taldearen entrenamendua ikusten dute. Ondoren Realeko mutilen eta nesken taldeko jokalariekin solasaldia izaten dute. Goiz ahaztezina da. Bertan zale gazteenek klubarekin daukaten lotura estutzeaz gain, arlo hezitzailea lantzen da bisitaldi hori esku lanak eta informatikako zenbait unitate didaktiko indartzeko erabiltzen baita.

Amets Bat kirol, heziketa eta aisia jarduerari amaiera emateko, arratsaldeko lehen orduan bisitaldia egiten da Real Sociedad Fundazioaren kolaboratzaile den Aquariumera. Eta parte hartzen duten haurren artean zozketaren bidez erabakitzen da hurrengo igandean Reale Seguros Estadioan jokatuko den partidara joan, jokalarien eskutik zelairatu eta argazki ofizialean jokalariekin jarriko diren hamaika haurrak zeintzuk izango diren.

  • Lehen Hezkuntzako 5. mailako neska-mutilak (10 urte)
  • Zubietako instalazioetara bisita
  • Realaren historiari eta balioei buruzko bideoa
  • Jolasak baloiarekin
  • Lehen taldearen entrenamendua ikusi
  • Solasaldia Realeko mutilen eta nesken taldeko jokalariekin
  • Reale Seguros Estadioan jokatzen den La Liga partidara joan
  • Aquariumera bisita (hautazkoa)
2019-2020 denboraldian zehar
Dohainik
  • Zubieta XXI Instalazioetan
  • Aquarium (hautazkoa)
Ez da beharrezkoa materialik
  • 10:00 Helduera Zubietara
  • 10:10 Harrera, jardunaldiaren ekintzen azalpena eta taldeen banaketa
  • 10:15-12:15
    • Realaren historiari eta balioei buruzko bideoa.
    • Jolasak baloiarekin.
    • Hamaiketakoa entrenamendua ikusten.
    • Zubietako instalazioen bisita gidatua.
  • 12:15-13:15
    • Galderak, argazkiak eta sinadurak mutil eta nesken taldeko jokalariekin.
    • Ikasle guztien arteko zozketa. Saritutako hamaika umeak, asteburuko partidan jokalarien eskutik zelairatzeko aukera izango dute.
  • 13:30 Irteera Zubietatik
  • 15:00 Donostiako Aquariumera bisita (hautazkoa).
Telefonoa: 943 46 28 33 (109) E-posta: ikasibizi@fundazioa.realsociedad.eus