Dena prest dago bihar Zubieta berriro poztasun eta kolore txuri-urdinez betetzeko Amets Bateko jardunaldi batekin. Berrobiko San Andres Eskolako, Alegiako San Juan Ikastetxeko eta Irungo Belaskoenea LHI eta Dunboa HI-ko 138 ikaslek primerako eguna pasako dute instalazio txuri-urdinetan. Bertan Realeko historia eta baloreei buruzko bideoa ikusiko dute, Zubietako leku guztiak ezagutu, z4ean jokatu, lehen taldeko entrenamenduan animatu eta lehen taldeko jokalari batekin eta emakumezkoen taldeko beste jokalari batekin solasaldi atsegin bat izango dute. Ondoren, Donostiako Aquariumera joateko aukera izango dute, Real Sociedad Fundazioko babeslea dena, jardunaldia borobiltzeko. Gainera, ume taldea datorren abenduaren 10ean Anoetan izango da Valenciaren aurkako partidan. Esperientzia ahaztezina Anoetan Azaroaren 5a egun berezia izan zen Amets Bateko hamaika neska-mutilentzat. Amets Bateko jardunaldi guztietan bezala, zozketa bat egin zen ikasle guztien artean eta hamaika irabazleak Atletico de Madriden kontrako partidan jokalari txuri-urdinen eskutik atera ziren. Ikusi nahi duzu nolakoa izan zen esperientzia?
Erregistratutako erabiltzaileentzat bakarrik!
Eduki hau gure web orrialdean erregistratu diren erabiltzaileentzat da bakarrik.
Login aukeran klik eginez erregistratu zaitez eta eduki esklusiboaz disfrutatu ezazu!