Lagunarteko konplexua jokatu du Realak Osakan, txuri urdinek Japoniara egindako itzuleran. Giro bikaina eta hezetasuna izan dira protagonistak Realaren alde 1-0 amaitu den norgehiagokan.
Txuri-urdinak ondo sartu dira partidan, nagusi hasieratik. Take Kubok kalitate handiko distirak izan ditu herrikideen aurrean eta Reala arriskuarekin hurbildu da, baina azken errematerik gabe. Unai Marrerok ere bi esku-hartze on izan ditu Gamba Osakako jokalarien bi jaurtiketen aurrean. Lehen zatia aukera argirik gabe amaitu dute bi taldeek.
Bigarren zatiaren hasiera frenetikoa izan da, gure jokalarien arrisku handiko hurbilketa ugarirekin. Beckerrek atezainaren aurrean eta Braisek eta Dadiek egindako jaurtiketa bikoitzak, Ikishawaren esku-hartze handiarekin, markagailura igotzeko aukera izan dute. Nagusitasuna izugarria izan da eta gola 64. minutuan iritsi da Aritz Elustondok egindako kontraeraso bikain bati esker. Donostiarrek errenta handitu ahal izan dute, baina Beckerrek eta Dadiek ezin izan dute saririk jaso Ishikawaren geldiketengatik eta langak Gotiren jaurtiketa sartzea eragotzi ostean. Azken txanpan Fragak, bi esku-hartze handirekin, Gamba Osakaren berdinketa saihestu du.
Froga ona partidaren ondoren Zubietara bidean jarri diren realzaleentzat. Atseden hartzea eta prest egoten jarraitzea tokatzen da.
Fitxa teknikoa:
Real Sociedad: Marrero (Fraga, min. 66), H. Traoré (Odriozola, min. 66), Zubeldia (Rupérez, min. 66), Aritz (Martín, min. 66), Javi López [Gómez, min. 46 (Balda, min. 71)], G. de Zárate (Gorrotxategi, min. 59), Marín (Olasagasti, min. 66), Brais Méndez (Goti, min. 66), Take (Magunazelaia, min. 54), Barrene (Dadie, min. 54), Sadiq (Becker, min. 46).
Gamba Osaka: Ishikawa, Kishimoto (H. Ishige, min. 78), Nakatani, Fukuoka, Kurokawa (I. Konno, min. 62), Alano (S. Kurata, min. 46), Mito, Dawhan (Neta Lavi, min. 46), Yamashita, Meshino (J. Nakamura, min. 78), Jebali.
Gola: 0-1: Aritz, min. 64.
Epailea: Txartel horia erakutsi dio Jonathan Gomezi (min. 71).
Estadia: Panasonic Suita, Osaka. 20.861 ikusle.