Gure hirugarren taldeak denboraldiko lehen garaipena lortu du Barbastro bat eta huts garaitu ondoren. Txuri-urdinak jabe izan dira partidan zehar eta egindako lanak saria izan du, azkenetako jokaldi batean Cabok garaipenaren gola lortu duenean.
Etxekoek ondo hasi dute partida, hasieratik aurkariaren areara arriskuarekin iristen saiatuz. Baloiaren jabe izan dira Óscar Fernándezen mutilak lehenengo zatian zehar, baina kostatu egin zaie aukera argiak sortzea. Barbastro sendo mantendu da defentsan eta kontraerasoak bilatu ditu baloia lapurtzeko gai izan denean. Joko zuzena erabili dute jokaldiak azkar egiteko. Donostiarren aukerarik onena Eceizabarrenak izan du, area kanpotik eginiko jaurtiketa on batekin. Méndez atezaianak ondo gelditu du saiakera. Kanpoko taldeak ere hurbilketa arriskutsuak izan ditu, adibidez, Alonsoren erdiraketa on bat. Javier Lópezek ezin izan du erdiraketa errematatu.
Talde txuri-urdinak oso ondo hasi du bigarren zatia, lehenengoan gertatu den antzera. Astiazaranek eta Olarrak aukera garbiak izan dituzte gola sartzeko. Kanpoko taldeko defentsak, lehenik, eta atezainak, ondoren, jaurtiketak aldaratu dituzte. Barbastro bere ideiarekin mantendu da, area ondo defendatu eta aukera izan dutenean kontraerasoan atera ahalik eta azkarren. Óscar Fernándezen mutilak behin eta berriz saiatu dira, eta azkenean, Ibai Cabok garaipenaren gola lortu du jaurtiketa zoragarri batekin.
Garaipen oso garrantzitsua gaur lortutakoa. Datorren astean gure hirugarren taldea momentu onarekin jarraitzen saiatuko da CD Subizari egingo dion bisitan.
Fitxa teknikoa:
Real Sociedad C: Olasagasti, Garro, Díaz de Alda, Segurola, Olarra, Eceizabarrena, Arruti (kap) (Martín, min 76), Astiazarán (G. Gorosabel, min. 83), Samuyiwa (Cabo, min. 68), Carrera (Arenzana, min. 76) eta Otadui (Peral, min. 83).
UD Barbastro: Méndez, Iñigo (I. García, min. 66), Castillo, Arroyo, Barrera, J. López (kap), Ara (Oteo, min. 76), Alonso, Bautista (Santigosa, min. 76), Ruiz (De Mesa, min. 81) eta Prat (Albin, min. 66).
Gola: 1-0: Cabo, min. 90.
Epailea: Martínez Martínez. Etxeko taldean Carrerak ikusi du txartel horia. Kanpoko taldean Prat, J. López, Ruiz, Barrera, Bautista, Santigosa eta Arroyok ikusi dute txartela.