Gaur atal berria estreinatzen dugu. Hasi da ‘Etxean’ seriala, Amenabar Reala babesten duen marka gipuzkoarraren laguntzarekin. Horren bidez, gure futbolariak alde gizatiarrago batetik ezagutuko ditugu. Mikel Bermejo gure dinamizatzailea protagonisten leku berezienetara hurbilduko da, zelaietatik urrun dauden pasadizoak eta bizipenak konta diezazkiguten.
Lehen atal honetan, denboraldiko ezusteko atseginetako bati egingo diogu bisita: Jon Ander Olasagasti harrobiko jokalari donostiarrari. Donostiako auzo enblematiko eta modakoenetako batean dituen txoko gogokoenak erakutsiko dizkigu. Gaur Grosera joango gara ‘Olasa’rekin.