Joan den astean Realak Harrobien VIII. Topaketan parte hartu zuen, Real Sportingek bi agertoki historikotan antolatua: Gijongo El Molinón Estadioa - Enrique Castro "Quini" eta Mareo kirol-hiri eraberritua. Luki Iriarte eta Alfonso Azurza Klubaren ordezkari bezala egon ziren. Topaketa hau LALIGAko Harrobiak Optimizatzeko eta Hobetzeko Plan Nazionalaren barruan kokatzen zen, eta bigarren urtea bete du.
Planaren 5 zutabeetako adierazleak (Jokalariarentzako arreta integrala, Klubeko profesionalen egitura eta garapena, Prestakuntza-eredua eta lehiaketarako transferentzia, Azpiegiturak eta baliabideak, eta Futbol profesionalerako garapena eta transferentzia) betetzen ote diren berrikusteaz gain, bi berrikuntza aurkeztu ziren: klubekin partekatutako galdetegi baten emaitzak, eskaera garrantzitsuenekin, eta Espainiako futbol profesionaleko harrobiko jokalariei buruzko datuen azterketa.
