Alaia, Maitea, Aniztasuna, Harrobia, Berezia, Herria, Etorkizuna, Bizia, Bihotza, Familia eta Euskara. Atzoko partidaren atarian jokalariek kamisetaren bizkarrean eraman zituzten hitzak izan dira. Reala zer den ondo deskriba dezaketen hitzak. Datorren asteartean, hilak 3, ospatuko den Euskararen Nazioarteko Eguna dela eta, keinu hau egin zitzaion gure hizkuntzari, gure kultura eta nortasunaren zati gisa euskararen erabilera eta zaintza bultzatzeko helburuarekin. Euskara guztion artean zaindu beharreko altxorra da.