Realak Real Betis hartuko du gaur gauean Reale Arenan. Txuri-urdinek astea biribiltzeko eta sailkapeneko goiko postuetara gerturatzeko hiru puntu lortzeko aukera paregabea dute. Joan den astean FC Barcelonaren aurka eta ostegunean AFC Ajaxen aurka lortutako garaipenen ostean, Imanolen taldeak gidoi bera errepikatu nahi eta posizioak igotzen jarraitu du.
Gainera, aurkari zuzena dugu, sailkapenean bi puntu gehiagorekin dagoena. Talde andaluziarra ostegunean Europako txapelketa jokatzetik dator. Manuel Pellegriniren taldeak denboraldi hasiera osoa darama Iscoren bajarekin, baina bere postua bikain bete du Lo Celsok. Zelaian Diego Llorente itzuliko da, Realeko jokalaria hiru denboraldiz, eta adi egon beharko dugu Chimy Avila eta Vitor Roque aurrelariekin.
Betisi aurre egiteko, Realaren bertsiorik onena eta bere taldearekin egongo diren zaleak ikustea baino gauza hoberik ez dago. Reale Arenan gau handiak bizitzen jarrai dezagun. Gehiago lortzeko gogoz. AURRERA REALA!!!