Zubietako futbol instalakuntzek ez dute atsedenik hartzen Gabonetan. Urteroko ohitura bezala, futbol zelai txuri-urdinetan hainbat gaztetxo bilduko dira ohiko Gabonetako Alebin Txapelketa ospatzeko. Real Sociedad Fundazioak antolatzen du ekimen polit hau.
Txapelketa multzo fasearekin hasiko da ostegun eta ostiral arratsaldetan. Gipuzkoako 59 talde eta mila bat haur alebinek hartuko dute parte. Larunbat goizean kanporaketa finalak jokatuko dira eta sari banaketa. Arrakasta bermatua dago edizio berri honetan.
Txapelketaren egutegia
Zubietara sartzeko gomendioak
Asteburuan Zubietan jende asko espero denez, honako neurri hauek hartuko dira ibilgailuak instalazio txuri-urdinetara sartzeko:
Ibilgailuen sarbide guztiak Zubietako goiko sarreratik egingo dira (Z7).
Zubietako beheko sarrera oinez sartzeko bakarrik egokituko da.