Realak hiru jokalari izango ditu Pariseko Olinpiar Jokoetan. Jon Pachecok, Beñat Turrientesek eta Sergio Gomezek Espainiako selekzioarekin Frantziako hiriburuan ospatuko den munduko kirol ekitaldirik garrantzitsuenean parte hartuko dute bihartik aurrera.
Real Sociedad TV Las Rozaseko Futbolaren Hirian izan da Pariseko Olinpiar Jokoetan parte hartuko duen selekzioaren kontzentrazioan protagonistekin hitz egiteko. Hiru jokalariak bat datoz "txapelketa ezberdina da, esperientzia ahaztezina" biziko dutela esatean, eta helburua argi dute: "Multzo zaila dugu, baina helburua urrezko domina lortzea da".