Zubietan emakumezkoen alebin futbol jardunaldiak ospatuko dira astelehen eta asteartean. 30 klubetako 54 taldek hartuko dute parte, 600 bat txiki izango direlarik Zubietan gozatzen.
Z4 eta z5 zelaietan jokatuko dira partidak astelehen eta astearte arratsaldetan. Hainbat partida izango dira non txikienek, senideekin batera, Zubietako instalazioetan futbol eta ilusio egun eder batez gozatuko dute.
Zubietara sartzeko gomendioak
Zubietan jende asko espero denez, honako neurri hauek hartuko dira ibilgailuak instalazio txuri-urdinetara sartzeko:
Ibilgailuen sarbide guztiak Zubietako goiko sarreratik egingo dira (Z7).
Zubietako beheko sarrera oinez sartzeko bakarrik egokituko da.
Aipatutako ekitaldian, REAL SOCIEDAD DE FUTBOLek irudiak hartuko ditu, eta irudi horiek CLUBen komunikazio-kanal ofizialeetan argitaratu ahal izango dira ekitaldiaren beraren sustapenerako. Baliteke irudi batzuetan zu edo zure ardurapean dagoen adingaberen bat agertzea; beraz, irudi horiek argitaratzea nahi ez baduzu, jakinarazi iezaguzu, mesedez, [email protected] posta elektroniko helbidera idatziz, eta berehala kenduko ditugu irudi horiek. Dagokion pribatutasun-politika honako esteka honetan aurki daiteke: https://cdn.realsociedad.eus//Uploads/CntDetalles/419/1/004e32cb-7cea-4362-85c4-537b7a3ade79.pdf