Ehun umetik gertu ‘Gabonak Realarekin’ ekintzaren lehen txandan parte hartuko dute, Real Sociedad Fundazioak antolatuta. 'Gabonak Realarekin' ekintzan 2002. eta 2009. urteen artean jaio diren neska-mutilek parte hartzeko aukera dute eta lehen txandan, abenduaren 29a arte, ehun bat umek hartuko dute parte (bi txandetan, 138 ume). Ekintza honi esker, gaztetxoek Zubietako instalakuntzetan kirola praktikatzeko aukera izango dute eta, aldi berean, haien idoloak gertutik ezagutu ahal izango dituzte. Kirol ikaskuntzak izango dira baina baita errespetua, konpromisoa edota taldelana bezalako baloreen lanketa. Ikasi, jokatu eta gozatzeko egunak.
