Pellegrino Matarazzok lehen 24 orduak eman ditu Realean. Gaur arratsaldean aurkeztu dute ofizialki komunikabideen aurrean eta teknikari berria oso pozik agertu da prentsa aretoan.
"Ohore handia da niretzat hemen egotea, hasiera-hasieratik sentitu nuen lotura bat Realarekin. Nortasun sendoa duen klub handi bat da, harrobiaren aldeko apustua egiten duen erakunde berezia. Errespetu eta ilusio handiz iristen naiz, potentzial handiko taldea da", adierazi du Matarazzok. Aurkituko den taldeari dagokionez, teknikari berriak adierazi du "oso ondo" ezagutzen duela taldea eta “taldearen potentzialari buruz" hitz egin du. "Talde honek hobeto egin dezake, jokalari guztiak gertu sentitu nahi ditut eta lan egin", komentatu du Rinok.
Matarazzok bi teknikari berriak izango dituela baieztatu du, John Maisano eta Ömer Topra hain zuzen, eta aurreratu du abenduaren 27an bera eta bere staffa elkarrekin lanean hasiko direla, jokalariekin lan egin baino bi egun lehenago.
Jokin Aperribayk ongietorria eman dio teknikari berriari eta zorte handia opa dio. Presidenteak bere hitzaldian aitortu duenez, "konexioa hasieratik oso interesgarria izan da, biok partekatzen dugu begirada futbolarekin eta bizitzarekin. Anbizioa izan nahi dugu eguneroko errendimenduarekin, indibidualki eta taldean hobetu behar dugu, jokalariek egoera irauli nahi dute. Lortuko dugu".
Erik Bretosek Matarazzoren fitxaketa aztertu du eta urrian berarekin harremanetan jarri zirela azaldu du, "oraindik entrenatzailea aldatzea pentsatu gabe geneukanean. Indartuko gaituen, garapena lantzen duen eta gazteekin lan egiten duen norbait aurkitzen saiatu gara", adierazi du futbol zuzendariak.
Disfruta de tu nuevo carnet digital 
Zure informazioa eta datuak konsultatu edo aldatu
Zuretzat bakarrik ekintza eta promozio bereziak
Zozketak, sariak, 360 bideoak, etabar
Gure taldeen eta jokalarien estatistikak
Gure artxibo historikoa kontsulta egin
Audioak, postalak, posterrak eta aldizkariak jeisteko prest.
Zure argazkia taldearekin