;
Real Sociedad Fundazioaren helburu nagusia Gipuzkoako naiz inguruko herrialdetako gizartean kirol ekintzak, ekintza kulturalak eta sozialak promozionatu, zabaldu eta sustatzea da.
Hau aurrera eramateko kirola eta oinarrizko jarduera fisikoa hartzen ditu oinarri eta futbola berriz kirol modalitate nagusi moduan. Hau dena baloreetan oinarrituz eta modu hezitzaile batetan landuz.
Fundazioko jardueraren bihotza “formakuntza eta hezkuntza” dira.
Horretarako sortu nahi dugu, hain zuzen, REALA GERTU ekimena. Ekimen honi esker, Aquitaniako ikastetxe guztietako Lehen Hezkuntzako seigarren mailako ikasleek (11-12 urte) aukera izango dute Zubieta ezagutzeko, bertako instalakuntzetan jolasteko eta elikaduraren inguruan zenbait aholku jasotzeko. Realeko museoa bisitatu eta Anoetako estadio ikusteko ere aukera izango dute.
Zubietan egiten den programa hiru orduko iraupena izango du eta jarduerak ekintza hauek izango ditu: ikasleak Zubietako instalakuntzak ezagutzeko bisita bat egingo dute, jokoak (baloia oinarri) egingo dituzte zelaian, Realaren historia eta balioen inguruko bideo bat ikusiko dute eta bukatzeko elikadura osasuntsu baten inguruko aholkuak jasoko dituzte.
Gaur egun, denok garbi dugu elikadura osasuntsu baten garrantzia eta horrexegatik ikasleei honen inguruko aholkuak ematea oso garrantzitsua iruditzen zaigu, gainera, klase ordutan izanik ikastetxeen helburuekin bat egiten dugu.
Arratsaldean berriz Realaren museoa eta Anoetako estadioa bisitatzeko aukera izango dute.