Egun ahaztezinak bizi ditugu Zubietan. ‘Gabonak Realarekin’ ekintzak, 2013 eta 2016 artean jaiotako haurrentzat, ehun bat txiki elkartu ditu. Gure instalazioan bizi duten esperientzia ezin hobea izan da. Txikiek kirol ezberdinetan jolasten disfrutatu dute eta gure fundazioak zabaltzen dituen baloreak (errespetua, konpromisoa, talde lana) ikasi dituzte. Dibertsioz beteriko egunak izan dira eta, gainera, gaur goizean lehen taldearekin argazkia ateratzeko aukera izan dute. Oroitzapen handia txiki guztientzat.