Egun ahaztezinak bizi izan ditugu Zubietan. ‘Gabonak Realarekin’ ekintzak, 2010 eta 2014 artean jaiotako haurrentzat, ehun bat txiki elkartu ditu. Gure instalazioan bizi izan duten esperientzia ezin hobea izan da. Txikiek kirol ezberdinetan jolasten disfrutatu dute eta gure fundazioak zabaltzen dituen baloreak (errespetua, konpromisoa, talde lana) ikasi dituzte. Dibertsioz beteriko egunak izan dira eta, gainera, lehen taldearekin argazki bat ateratzeko aukera izan dute. Oroitzapen handia txiki guztientzat.
