Gaur hasi da Txikizikloa. Ferrreriaseko Amara Berriko ikasleek hasiera eman diote Realeko Urpeko Sailak Real Sociedad Fundazioaren laguntzarekin antolatzen duen edizio honi.
Eguna lusio itzelarekin hasi dute txikiek. Donostiako Aquariumeko auditoriumean sartu dira eta itsasoak duen zabor arazoarekin erlazionatutako proiekzio bat ikusi dute. Ondoren Real Sociedad Fundazioak antolatutako eskulan lehiaketetako irabazleei sariak banatu dizkiete. Etxera hainbat opari eraman dituzte irabazleek eta guztien txalo zaparrada beroa jaso dute.
Momentu dibertigarrienetako bat txikiek Aquariumari egin dioten bisita izan da, marrazoak beti baitira erakargarri. Itsas mundua gertutik ezagutzeko aukera bikaina izan dute goiz eder honetan.
Hurrengo lau egunetan Jakintza, Katalina Erauso, Intxaurrondo Hegoa, Ibai, The English School, Maria Reina, Altza Herri Ikastetxea eta Morlanseko Amara Berriko ikasleen txanda izango da. Antzeko ekintzak egingo dituzte, baina guztiak gai berdinarekin. Txikizikloaren leloak eta Jacques Cousteauk esploratzaile frantsesak esaten zuen bezala: “Itsasoa babesteko modurik onena itsasoa maitatzea da, eta ezin da maitatu ezagutzen ez dena”.
