Gaur ezagutuko ditugu gure aurkariak

Gaur eguerdian ezagutuko ditugu 2026/27 UEFA Europa League txapelketan izango ditugun aurkariak. Ligako fasearen zozketa 13:00etan egingo da Monakoko Grimaldi Forumean, eta 1. multzoan egongo gara, lehiaketako talde nagusietako batzuekin batera. Europa League berriak duela bi urte estreinatu zuen ligako fasearen formatua mantentzen du: 36 talde sailkapen bakarrean arituko dira lehian, eta zortzi partida jokatuko ditugu, zortzi aurkari ezberdinen aurka, lau etxean eta beste lau kanpoan. Lau multzoetako bakoitzeko bi talderen aurka jokatuko dugu, gure multzoko bi taldeen aurka barne, eta ezin izango gara federazio bereko beste talde batekin elkartu.

Ligako fasea irailetik urtarrilera bitartean jokatuko da, zortzi jardunalditan banatuta. Fasea amaitzean, lehen zortzi sailkatuek final-zortzirenetarako txartela eskuratuko dute; 9. eta 24. postuen artean amaitzen duten taldeek, berriz, kanporaketa bat jokatuko dute joan-etorriko partidetan, aurrera egiten jarraitzeko. 25. eta 36. postuen artean sailkatzen diren taldeak lehiaketatik kanpo geratuko dira. Lehen jardunaldia irailaren 16an eta 17an jokatuko da, eta datozen egunetan ezagutuko dugu gure zortzi neurketen behin betiko egutegia.