Zubietako instalazioek futbol asko bizi izan dute asteburu honetan Gipuzkoako Eskola arteko Txapelketarekin. 200 neska-mutil inguru, alebin lehen eta bigarren urtekoak, eta Gipuzkoako Futbol Eskola desberinetakoak, guztira hamasei partida jokatu dituzte larunbat eta igandean, zortzi mutilen kategorian eta beste zortzi nesken kategorian. Larunbat goizean final-laurdenak jokatu ziren eta igande goizean, berriz, finalaurrekoak. Neurketa guztiak jokatu ostean, Xabier Munibe C (Azkoitia) eta Zurriola Ikastola (Donostia), mutilen kategorian, eta Udarregi 6 B (Usurbil) eta Leintz Eskola (Aretxabaleta), nesken kategorian, finalak jokatuko dituzte datorren ekainaren 12an Zubietan, 'Real Sociedad Fundazioaren eguna'-rekin bat eginez.
