Gure hirugarren taldeak hutsna berdindu du CD Anguianori egindako bisitan. Txuri-urdinak hamarrekin geratu dira bigarren zatian, baina burututako lan defentsibo onari esker puntu bat gehitu dute. Lortutako emaitza ez da nahikoa sailkapenaren azken postuetatik alde egiteko.
Partida oso parekatua izan da hasieratik bukaerara. Zelaia ez da egoera onenean egon eta horren eraginez, jokoa ezin izan da oso arina izan. Bi taldeek zelaiaren egoerara moldatu behar izan dira eta behin eta berriro baloi luzeekin saiatu dira jokaldiak eta erasoak sortzen, jokatzeko modurik sinpleena da eta. Bigarren zatian hamarrekin geratu da talde donostiarra Roperoren kanporaketaren eraginez. Nahiz eta jokalari gutxiago izan, lan defentsibo oso ona egin dute Óscar Fernándezen mutilek eta emaitza defendatzea lortu dute. Amaiera arte saiatu da CD Anguiano, baina ez du lortu txuri-urdinen defentsa zulatzea. Partida hasi den emaitza berdinarekin amaitu da, 0-0.
Talde donostiarrak oraindik ez du garaipenik lortu denboraldi honetan eta hirunaka gehitzen hastea behar du azken postuetatik ateratzeko. Datorren astean Barbastro jasoko du Zubietan.
Fitxa teknikoa:
CD Anguiano: R. Gutiérrez, Zaldúa, Lozano, San Martín, El Fallah (Urrecho, min. 55), A. Santos, S. López (Hamoudi, min. 76), Medrano, Barcina, Barace eta El Amerani (Azofra, min. 55).
Real Sociedad C: Olasagasti, Díaz de Alda, Segurola, Ropero (cap), D. Torres, Garro, Arruti, H. Martín, Otadui (Eceizabarrena, min. 78), Arenzana (G. Gorosabel, min. 58) eta Carrera (Cabo, min. 86).
Epailea: Rius Riu. Etxeko taldean El Fallah, San Martín, Azofra eta Urrechok ikusi dute txartel horia. Kanpoko taldean, bestalde, Busto, Carrera eta Olasagastik ikusi dute. Roperok txartel gorria ikusi du 67. minutuan.