Gure harrobiko jokalariez osatutako taldeak U21 Premier League International Cup txapelketan jarraituko du bihar 20:30etik aurrera (Gipuzkoako ordua). Lehen jardunaldian Crystal Palaceren aurka lortutako berdinketa onaren ondoren, gure taldeak jarraipena eman nahi dio multzoko liderraren aurka (3-0 irabazi zioten Leipzigi pasa den ostiralean) exijentzia handiko beste partida batean.
Lehiaketa hau 2003tik aurrera jaiotako jokalarientzat da eta txuri-urdinak Sanse, Real C eta jubenilen arteko nahasketa batekin jokatzen dute, Oscar Fernandezen aginduetara.
Bigarren jardunaldirako zerrenda jokalari hauek osatzen dute: Lander Olasagasti, Jon Garro, Unax Agote, Luken Beitia, Eneko Astigarraga, Manex Guibelalde, Tomás Carbonell, Lander Astiazaran, Martín Arruti, Jon Eceizabarrena, Santino Samuyiwa, Ekain Díaz de Alda, Adrián Zango, Iker Ropero, Dario Ramírez, Pablo Arenzana, Sydney Osazuwa eta Eloy Nebreda.
Partida zuzenean jarraitu ahal izango da esteka honetan.