Gure hirugarren taldeak bina berdindu du CD Alfaroren aurka jokatutako partidan. Txuri-urdinek buelta eman diote markagailuari atzetik hasi ondoren, baina neurketako azken jokaldian berdinketaren gola jaso dute.
Partida parekatua hasi da, bi taldeak baloiaren jabetza lortzen saiatu dira eta. Txuri-urdinek baloia edukitzeko gai izan dira, baina kanpokoen lan defentsibo onarengatik arazoak izan dituzte aurkariaren areara hurbiltzeko. Alfaro, bestalde, arriskuarekin iritsi da Jiménezen atera, jokaldi azkarren bidez. Leónek gertu izan du gola, gutxigatik joan den jaurtiketa indartsu batean. Errioxako taldea aurretik jarri da Paradak buruz errematatu duen korner bati esker. Óscar Fernándezen mutilek jasotako golari erantzuna ematen saiatu dira atsedenaldira iritsi baino lehen. Carrerak gertu izan du berdinketa, baina Ekizak bere jaurtiketa aldaratu du. Olarra ere saiatu egin da, ate gainetik joan den erremate batekin.
Txuri-urdinak oso ondo bueltatu dira aldageletatik eta bigarren zatiaren hasieratik bilatu dute berdinketaren gola. Carrerak lortu du talde donostiarraren gola, Otaduiren erdiraketa on bat errematatu ondoren. Óscar Fernándezen mutilek, nahiz eta berdinketa lortu, erasotzen jarraitu dute. Eceizabarrenak gertu izan du bigarrena, baina bere jaurtiketa ate albotik joan da. Minutu batzuk geroago, erdilariak beste aukera bat izan du, eta ez du huts egin. Area barruan defentsa bat driblatu eta gero baloia sarera bidali du. Alfarok berdinketaren gola bilatu du amaierara arte eta azkeneko jokaldian lortu du, Soeiroren erremateri esker.
Pena bat. Óscar Fernándezen mutilek ondo erantzun dute egoera zail baten aurrean, baina garaipenak ihes egin du azkeneko jokaldian. Lanean jarraitzeko momentua. Datorren astean Deportivo Aragón bisitatuko dute.
Fitxa teknikoa:
Real Sociedad C: Jiménez, Garro, Díaz de Alda, Segurola, Olarra (Martín, min. 82), Eceizabarrena (kap), Oleaga (Cabo, min. 88), H. Rodríguez (Torres, min. 82), Astiazarán (Arruti, min. 67), Otadui eta Carrera (Arenzana, min. 67).
CD Alfaro: Ekiza, Pérez (L. Jiménez, min 76), Parada (kap), Martínez, Balda, Sota, Aguado (Casas, min. 76), León, Ayensa, I. Jiménez (Losantos, min. 59) eta Soeiro.
Golak: 0-1: Parada, min. 27. 1-1: Carrera, min. 53. 1-2: Eceizabarrena, min. 74. 2-2: Soeiro, min. 96.
Epailea: Ramírez Marco. Etxeko Carrera, Olarra, Garro, Arenzana eta Díaz de Aldari, eta kanpoko Sota, Pérez, León eta Martínezi erakutsi die txartel horia. Kanpoko Leóni txartel gorri zuzena atera dio 90. minutuan.