Realeko jubenil talde batek Al Abtal International Cup txapelketako bigarren edizioan parte hartu du azken asteetan. Txapelketa hau hainbat egoitzatan egin da (Las Rozas, Salou, Tarragona), eta hainbat talde bildu ditu: Liverpool, Olympique Marseilla, Real Madrid, Atletico Madrid, Shaktar Donetsk eta Sporting Portugal taldeak, besteak beste.
Txuri-urdinek bost partida jokatu dituzte Valencia CF, Olympique Marseilla, Dinamo Zagreb eta Saudi Future Falconsen bi konbinaturen aurka. Txapelketa Saudi Arabiako Kirol Ministerioak antolatu du, eta futbolari gazteak sustatzea eta parte hartzen duten taldeen arteko harremanak estutzea du helburu.