Amets Bateko umeek kolore eta ilusioz bete dute berriro ere Zubieta. Donostiako San Patricio Ikastetxeko 54 txikik Amets Bateko jardunaldi berri batekin gozatu dute. Gaur egun berezia izan da guztientzat. Jokoak, instalakuntzetara bisita, lehen taldeko entrenamendua ikusi… Bereziena, dudarik gabe, Asier Illarramendi eta Paola Soldevilarekin igaro duten une atsegina. Hori betirako gordeko dute oroimenean. Arratsaldean gure fundazioaren babesle den Aquariumera joango dira eta igandean Anoetan izango dira taldea animatzen Real Valladoliden aurkako neurketan.