Amets Bateko kolorez bete du berriro Zubieta. Gaurkoan, Billabonako Fleming Ikastola, Beasaingo Alkartasuna Lizeoa eta Donostiako Ibai Ikastolako 145 txikik primeran pasa dute. Zubieta ezagutu, hainbat joko egin, lehen taldearen entrenamendua ikusi eta Joseba Zaldua eta Kiana Palaciosekin egoteko aukera izan dute. Arratsaldean Aquariumera joango dira eta aktibitatea Anoetan amaituko dute Atletico de Madriden aurkako partidara joango baitira.
