Atracciones Sanzek familia txuri-urdinarekin bat egin du. Empresa gipuzkoarrak eta Real Sociedad Fundazioak akordioa sinatu dute 2023ko ekainera arte. Atracciones Sanz RS Enpresak-eko kide izango da. Enpresaren egoitza nagusia Legazpin dago eta haur-parkeetan eta azoketan aditua den erakunde hau klubaren hornitzaile bihurtu da
Akordio honen bitartez, Atracciones Sanzek Real Sociedad Fundazioarekin bat egin du Gipuzkoa Jolasean proiektuaren babesle gisa. Gipuzkoa Jolasean Fundazioak bultzatutako proiektua da, Gipuzkoako herrietako jaietan puzgarriekin eta jarduera ludikoekin festa horietan beste modu batean parte hartzeko helburuarekin.
